[ Gambar atas: LINO]
Kami sama² datang pigi UPSI timpu ari, sa, si Awing sama si LINO. Pastu kami dapat lagi ruma yg sama. Tapi akhirnya kami tepisa juga :'( Apa buli buat... Tayik kambing bulat², dijual di syarikat, 5 sen 1 ikat... (Budu butul sa ni!!!) Begini baitu crita dia. Si LINO ni dia masuk SUKSIS (kalau di iskul macam kadet pulis laba). Kalau masuk SUKSIS ni kompom 6 sem kau kana ikut. Pastu pulak ko kana lagi pinda kolej kediaman & kompom pinda pi Kolej Ungku Omar (sebla jak sama Kolej Harun Aminurrashid - kolej tercantik di alam semesta [Tuiii!]). Terpaksalaba tambalut sa ni pinda... Dia ni kawan baik sa dunia akhirat (itula yg paling tapat skali sa mau describe). Dulu masa sa sakit taim form 5, diala yg slalu ambil berat... Kasi kawan sa di spital... Ambil beratla. "JASAMU TATAP SA KANANG SAMPAI MATI! TUHAN JAK YANG MAMPU BALAS." Tia sangka jugak. "KALAU RENCANA TUHAN, KITA AKAN JUMPA LAGI." Butul² kita jumpa balik di airport awal bulan 7 tu. Sama univesti lagi tu. Tiapa, ko bukan jugak jauh sangat, sa malumpat jak suda sampai pi kolej kau... Hehehehe! Bah jangan seja ko lupa sa sama si Awing & geng 2-6-5 di KHAR kio. Kalo ko lupa, kami yg pigi tangkap kau nanti!!! Bah klo mo pi makan, kontek² jak sa ka, si Andy ka, si Awing ka... Tapi kami tia mau makan di KUO! Shalom...
